domingo, 9 de octubre de 2016

AJEDREZ ATENEO BRONCE EN LA COPA DIPUTACION POR EQUIPOS

O campeonato provincial por equipos 2016 organizado polo Club Xadrez Celanova celebrouse no Pavillón municipal de Celanova o sábado 8 de outubro a partir da 17 h. Este ano a competición levouse a cabo mediante torneo individual sistema universitario, o que significa que se xogaba todos contra todos por sistema suizo a 6 roldas sen opoñer xogadores do mesmo equipo. Repartíanse trofeos as tres mellores puntuacións individuais e 5 trofeos aos 5 primeiros equipos con lote de 6 libros.

 Participaron un total duns 30 xogadores, sendo o Xadrez Ourense con 8 participantes e o Liceo de Ourense con 6 os máis representados, seguidos polo Club Xadrez Benchosei , Xadrez Celanova e Ateneo de Ourense con 5, 5, 4 integrantes respectivamente. 

As partidas disputáronse nun ambiente cordial gracias a organización do Xadrez Celanova da man de Sindo Rodríguez, o árbitro principal, que ademáis de xogar soubo estar presente para resolver algunha situación conflictiva.

 No resultado final houbo unha relativa sorpresa xa que se impúxose o Liceo de Ourense ao Xadrez Ourense, actual campión galego por equipos. O man a man entre os dous equipos resolveuse na última rolda, pois o Liceo só levaba medio punto de vantaxe. 


Na última rolda a maior veteranía dos xogadores do Liceo alcanzaron unha diferenza de 3 puntos (19 puntos en total) con respecto ao Xadrez Ourense (16 puntos), terceiro resultaría o Ateneo de Ourense con 12, 5 puntos. 
Equipo Campeón Liceo de Ourense

No ámbito individual confirmouse a supremacía dos dous primeiros equipos, máis a favor do Liceo con Marcos Lorenzo que resultou o vencedor do torneo individual seguido por Armando de Sousa e en 4º lugar por Alejandro Meira, hexemonía soamente rota por Gabriel Roma do Xadrez Ourense insertándose no 3º posto. 
Rafael de Leon del Ateneo de Ourense 

A postre resultaron decisivas as victorias d Joaquín Bello na 2º rolda e de Armando de Sousa na 5º sobre o primeiro do ranking David Gómez. Resaltar finalmente que se recuperou una sana costume de regalar libro de xadrez fonte de estudo, reflexión e lectura pausada que as veces nos nega a concorrida rede internet que por outra banda nos da múltiples vantaxes para este noble xogo que xa todos sabemos. Bendita sexan aínda os libros que nos dan o traballo xa preparadiño e nos evitan ter que buscar, rebuscar e seleccionar nun sinfín de espazos virtuais. Noraboa a todos participantes. 

Crónica: Manuel Ángel García Fernández

No hay comentarios:

Publicar un comentario